වීදියක කෙළවර

දහසකුත් දෙනා ඇවිද යන
වීදි කොනක
සැදෑ අදුර අතරින්
සිතුනි නවතින්නට මදක්
බලන්නට ,
ඔබ වත මත මැවුණු
සියුම් රටා
එය නොදත් ඔබ, පසු කර ගියද
මා
නැත වෙහෙසක් මා සිතට
නම්
ඒ මනරම් රූ , මවා විදින්නට රස
මා සිත
තවත් ඉල්ලයී
හෝරාවක්.............,

දුවති සමහරු කලබලේ
පෙන්වමින් තමා සතු බලේ
කෙනෙකු සිනා සෙයි හඩ නගා
නැගිට සිට තවකෙකු නසා..
අයෙකු , නෙත් අයා සිටියි
මහ පොළව දෙස බලා
හිස්කමින්..
බලාපොරොත්තු ඇති මිනිසුන් ද,
යති විගහහින්
තවකෙකු පසු කරන්..,

රුපියල , ශත සොයා වෙහෙසෙන
මහා වෙළදුන් අතර ,
සිටියි
ඒ රුපියලම සොයා සිගමන් යදින්නන්ද
තවත් කොනක....,

වීදි කොනෙහි මාත් හිදිමි බලා
වීදියෙහි මේ ජීවන රිද්මය අසා
ලෝ දහම දෙස නෙත් අයා
කවුද හරි මේ ලෝකයෙහි...,

නිහඩ අදුරේ ,
රහසේ පෙම් බස් දොඩනා පෙම් යුවල
දුටු විට දිවෙයි ..
මා සිතද අතීතයට ,
සිතෙයි
ඔබෙ නෙතු යුග වසා
අදින්නට සිත්තමක්
පින්සලක ගෑ සායමින්....

රගහළක් වැනි ජීවිතයෙහි
නිවෙන , දැල්වෙන
විදුළි එළි
වේදිකා මත දග කරද්දී
මද අදුරේ
ඔබට රහසින්
කෙටි හෝරාවක්
මා නෙත් දුටුවෙමි
ඔබ නොදත්.......... ඔබවම.....