- අන්තර්වර්තී පුද්ගල සන්නිවේදනය
සන්නිවේදන වර්ගීකරණයේ ප්‍රමුඛස්ථානය හිමිවන්නා වූ සන්නිවේදනය නම් අන්තර්වර්තී පුද්ගල සන්නිවේදනයයි. පුද්ගලයා තුළම සිදුවන සන්නිවේදන ක්‍රියාවලියක් වන මෙතුල තීරණ ගැනීමට ප්‍රමුඛත්වයක් හිමිවනු දැකිය හැකිය.
සෑම තැනැත්තෙකුම කුඩාකළ සිට පන්චෙන්ද්‍රියෙන් තොරතුරු එක් රැස් කර ගනී. එම තොරතුරු වලින් බොහොමයක් ඔහුගේ යටි සිතේ තැන්පත් වේ. අන්තර්වර්ති පුද්ගල සන්නිවේදනයේ තීරණ ගැනීමේදී එලෙස තමා රැස් කල තොරතුරු පුද්ගලයා යොදා ගනී. ඉතා හොද තොරතුරු රැස් කරගෙන ඇති පුද්ගලයෙකු වඩා ගුණාත්මක තීරණ ගැනීම කරනු ලැබේ. ඇතම් චිත්තවේග නිසා අන්තර්වර්ති පුද්ගල සන්නිවේදනය නිසි ලෙස ක්‍රියාත්මක නොවන අතර පුද්ගලයෙකුට තම චිත්තවේග පාලනය කරගැනීමට ඇති හැකියාව මෙම සන්නිවේදනයේ ගුණාත්මක බව ඉහල නංවයි.
එනිසාම අන්තර්වර්තී පුද්ගල සන්නිවේදනයේ පහත ලක්ෂණ දැකිය හැක.
- පුද්ගලයා තුල සිදුවන ආත්ම භීෂණයක් වීම
- සන්නිවේදනය හා ග්‍රාහකයා එකම පුද්ගලයෙකු වේ.
- මනස ප්‍රමුඛ වේ
- පුද්ගල මතකයට සම්බන්ධ වේ.
- ස්වයං දෘෂ්ඨියට අදාළ වේ.
- අන්තර්වර්තී පුද්ගල සන්නිවේදනය උදහරණයක් ඇසුරින් පහත ලෙස විස්තර කළ හැක. අප රුපවාහිනිය නරඹන විට යම් වැඩසටහනකට අකමැත්තක් දක්වයි නම් එම නාලිකාව මාරු කිරීම හෝ රුපවාහිනිය වසා දැමීම කරයි. රුපවාහිනිය නැරඹීම ආරම්භ කල මොහොතේ සිට එය වසා දමන තුරු මනසේ සිදුවන ක්‍රියාකාරකම් අන්තර්වර්තී පුද්ගල සන්නිවේදනයට අයත්ය. තවත් උදාහරණයක් නම් ගිනි අගුරක් පෑගුන විට කකුල ඉක්මනින් ඉවතට ගන්නේ අන්තර්වර්තී පුද්ගල සන්නිවේදනය නිසාවෙනි.
No comments:
Post a Comment